هذي بعض الاستفسارات ::
1-ممكن ياشباب طريقة حساب الرسوم بالضبط
يعني الإيميل هل هو مفتوح ولا له لمت معين
المسنجر مجاني ولا برضه الكيلوبايت فيه محدد,
بالنسبه عندنا يكون مجاني اذا خذيت الاشتراك المفتوح خلاص انا خذيت انترنت محلي غير محدد وشغال عالمسنجر ورصيدي صفر وعادي
2-هل يمكن إرسال ملفات بواسطة مسنجر البلاك بيري أو لا
نعم تقدر ترسل ملفات صور فيديو ملفات صوتيه اللي تبيه
موبايلي السعودية قالت أنه رسوم الخدمة 99 ريال لا محدود, وبعدين قالت انه لمت 20 ميغابايت وكل كيلوبايت بعد ال20 يحسب على أساس 002, ريال, ممكن أحد يشرح لنا طلاسم موبايلي هذي, يعني شلون مفتوح ومقفل في نفس الوقت
هذي شوفلك مستخدم من السعودية
3-المعروف أنه جهاز البلاك بيري جهاز خاص بالأعمال, فهل يستفيد منه الأفراد, يعني الي ماعندهم أعمال ولا شي, هل له فائدة محددة؟؟
واللهي هاي ترجع لاحتياجاتك هو فعلا مخصص لرجال الاعمال بس الفترة الاخيرة قامو يدعمونه ببرامج وغيرها لعامه المستخدمين مثل الفيس بوك والفليكر وغير انه ينزل ايميلاتك اللي تبيها وتكون على اتصال مع الناس بشكل دائم عبر المسنجر سواء كان بلاكبيري مسنجر او ام اس ان مسنجر او ياهو مسنجر
4-قريت أنه ممكن ياخذ الايميل من حساب الhotmail, هل الكلام هذا صحيح؟؟, وإذا كان صحيح, هل ينسخ الفولدرات الي سويتها بالحساب, أم يأخذ بس صندوق الوارد؟, وهل يوجد إصدار معين من windows live messenger عليه, زي النوكيا؟
لا ياخذ بس من صندوق الوارد وماياخذ غير الايميلات الجديده اللي توصلك اما الايميلات القديمه مالقيت عن نفسي لها طريقة للتحميل وبالنسبه للمسنجر هو يكون مموجود فالجهاز واذا ماكان موجود بتحصله في موقع البلاك بيري
4-حسب ما هو مذكور في موقع gsm arena أنه تصوير الجهاز عادي, هل ممكن أنه أحد المالكين للجهاز يتفضل بوضع صور من التقاطه من جهاز بلاك بيري, مع وضع نوع الجهاز لتكون الفكرة واضحه عن تصويره
انا بحاولك في اقرب فرصه بس انا حاليا قاعد ارد عليك من جهاز الدوام
5- هل يقوم الجهاز بتصوير الفيديو؟
نعم يقوم بتصوير الفيديو
6- بشكل عام هل ترى أن إستعمال الجهاز سهل؟
والله بالنسبه لي الجهاز مش معقد كثير بس ا لبعض يلقى صعوبه في استخدامه وبشكل عام لازم يبغالك كمن يوم لين ماتتعود لكن بشكل عام التلفون واضح ومافيه هذيك التعقيدات
7- هل الصوت في المكالمات فيه واضح أو تعتبره أقل من المستوى المطلوب.
من ناحية صوت المكالمات فهو من اوضح الاجهزه اللي استخدمها حتى بعض الناس اللي معاي لما اكلمهم قالولي ان الصوت واضح وضوح غير شكل ...وطبعا سماعاته الخارجيه قوية واذا شغلت مقطع صوتي بتحس بالفرق بينه وبين اغلبية اجهزة النوكيا
8- هل يوجد دعم للغة العربية فيه؟, وهل هذا الدعم في القوائم وجميع الجهاز أم في الكتابة والقراءة فقط, وهل هذا الدعم طبيعي من الشركة, أم مثل البرامج الردئية التي تقلب النصوص, والتي يجب القيام بطرق خاصة لتثبيتها.
خذ الجهاز بضمان من شركه اتصالات اللي عندكم ((موبايلي)) وبتحصل اللغه العربية فيه مع داعم كامل من المصنع وليس تعريب انما عربي اصلي من المصنع وحتى الكيبورد والقوائم وكله بالعربي من الناحيه هذي لاتشيل هم
9-هل رسم الأشتراك في خدمة بلاك بيري من موبايلي (مثلا) يشمل خدمة الأشتراك في موقع الblack berry الذي يعطيك 10 عناوين بريد إلكترونية أم لا.
10- هل يقوم الجهاز بتنظيم البريد الوارد لديك بحيث يفصل صناديق البريد عن بعضها, وأيضاً يفصل الرسائل القصيرة ورسائل الوسائط عن بعضها, أم يقوم بخلطها؟
لكل بريد له مكان لوحده بس فيه ايكونه تكون جامعه لكل الايميلات مع بعض وطبعا هذي ماتاثر بس تسويلك View للايميلات اللي موجوده عندك بشكل عام وهي ايضا تقدر تخليها تظهرلك المسجات والوسائط اللي فالجهاز وفيه اوبشن تقدر تخليها بس تظهر الايميلات يعني الشي راجعلك اذا تحب تشوف كل ايميل لوحده او تجمعهم في مكان واحد
أخي الكريم, هذه الأستفسارت خاصة بي , وإن كان لديك إستفسارات أخرى ضعها, وأما إن كنت خبير في هذه الجهاز أرجو من أخذ 5 دقائق من وقتك لمساعدتنا, ولك خالص الشكر
~الاعلانات الصورية~
السبت نوفمبر 13, 2010 6:16 pm